Цеца на концерт во Скопје со приватен авион



Балканската турбофолк-ѕвезда ќе настапи утревечер во „Метрополис арена“ во склоп на големата турнеја „Љубав живи“

Македонските обожаватели на балканската турбофолк-ѕвезда Цеца Ражнатовиќ утревечер (31 мај) ќе имаат можност да бидат на нејзиниот мегаконцерт во Скопје, кој е дел од големата турнеја „Љубав живи“.

Во текот на денот, Светлана Ражнатовиќ-Цеца се очекува да пристигне на скопскиот аеродром со својот приватен авион, а вечерта публиката во „Метрополис арена“ да ги слушне и да ги пее со неа хитовите. Цеца ветува незаборавно доживување. Концертот е закажан за 21 часот, а влезот на „Метрополис арена“ ќе биде отворен за публиката во 19,30 часот.