30.05.2012, 12:36 Спречени терористички напади за време на Евросонг
Азербејџанските власти денеска соопшти дека осуетиле терористички напади, што требало да биде извршен за време на одржувањето на Евросонгот.
Уапсени се 40 лица во Баку, во Ганџа и во Сумгаит поврзани со нападот. Некои членови на групата при апењето пружале отпор и се убиени.
- Главната цел на терористичката група била да изврши терористички напад во Баку, додека се одржуваше Евросонгот, се наведува во соопштението на Министерството за внатрешни работи.
Во соопштението се посочува и дека биле планирани напади врз претседателот Илхам Алиев, врз полициски станици, хотелите каде биле сместени странците, како и врз религиозни објекти.
Министерството за национална безбедност одлучи да не ја открива информацијата за време на Евросонгот, за да не се создаде паника меѓу граѓаните и странските гости.
|
