30.05.2012, 10:28 Уште 98 лица загинаа вчера во Сирија
Уште 98 лица, меѓу нив 61 цивил и 28 војници од владините трупи загинаа вчера во насилствата во Сирија, соопшти Сирискиот центар за набљудување на човековите права.
Според истиот извор вчера во реонот на градот Деир ез Зур, во северозападниот дел на Сирија, биле убиени 13 цивили. - Сите биле застрелани со по еден куршум во челото, изјави директорот на Сирискиот центар за набљудување на човековите права Рами Абдул Рахман.
Единаесет лица биле убиени во Хомс, седум од нив при артилериски напад.
Во 14-те месеци од почетокот на бунтот против режимот на Башар ал Асад во Сирија загинале над 13.000 лица.
|
