30.05.2012, 15:27 Судот ги распраша сите обвинети за убиството во ГУЦ
Пред кривичен совет на скопска „единица“ денеска беа распрашани Стефан Г. (20) и малолетниот Д.Т. (17), двајца од тројцата обвинети за смртта на нивниот соучесник Мухамед Али Јашари (17), од скопското село Кондово.
Во својство на оштетени судот ги распрашал и родителите на Мухамед Али Јашари, но во судницата немало и претставник на Центарот за социјални работи иако за тешко дело му се суди и на малолетник.
За трагичниот настан кој се случи во април минатата, година во Градежниот училишен центар „Здравко Цветковски“, освен Стефан Г. И Д.Т. кривично одговара и 19-годишниот Петар М., но со таа разлика што за првообвинетиот има обвинителен акт, за второобвниетиот обвинителен предлог, а малолетникот предлага за примена на воспитна мерка.
Судењето за овој случај продолжува на 11. следниот месец. (Љ.С.)
|
