Анџелина Џоли на суд поради филмот „Во земјата на крв и мед“

Писателот Јосип Кнежевиќ тврди оти бил шокиран кога слушнал дека продуцентот Ерик Саркич во соработка со Џоли работи на филм според идентична приказна на неговата

Актерката Анџелина Џоли одлучи правдата да ја побара на суд и да се одбрани од оние кои сметаат дека нејзиниот филм „Во земјата на крв и мед“, е плагијат. Таа постапката ќе ја покрене заедно со продуцентската куќа ГК Филмс и дистрибуциската куќа Филм дистрикт.

Само неколку недели пред да биде прикажан нејзиниот „првенец“ во филмски сали, актерката ја нападна Џејмс Брадок, познат и како Јосип Кнежевиќ, со тврдења дека нејзиниот филм е плагијат на неговиот роман „Кршење на душата“ (The Soul Shatering/ Slamanje duse) издаден во 2007 година.

Кнежевиќ изјави дека неколкупати се сретнал со продуцентот Ерик Саркич за да се разгледа можноста приказната од книгата да биде филм, и оти бил шокиран кога слушнал дека истиот продуцент во соработка со Џоли работи на филм според идентична приказна.

Анџелина тврди дека обвинувањата се невистинити и инспирацијата за филмот ја добила работејќи како амбасадор на ОН во Босна. Како што објави Холивуд рипорт, Анџелина и нејзините соработници „признаваат дека немаат одобрување од Кнежевиќ, но негираат дека од него требало правно да се побара дозвола и лиценца“.