Почнуваат „Деновите на македонскиот мед“

Од денеска до 29-ти овој месец, медари од цела Македонија ќе ги презентираат своите производи на 35 штандови во центарот на Скопје

Медари од цела Македонија од денеска до 29-ти овој месец ќе ги презентираат своите производи во рамки на манифестацијата „Денови на македонскиот мед“.

На 35 штандови поставени на улицата „Македонија“ во Скопје, посетителите ќе можат да најдат мед, матичен млеч, полен и прополис, да дегустираа пчелни прозиводи, како и да се запознаат со органското пчеларење преку директен контакт со пчеларите.

Манифестацијата се организира по седми пат во организација на Пчеларското здружение „Матица“ под покровителство на општина Центар.

Како и минатите години, манифестацијата „Денови на македонскиот мед“ ќе има и хуманитарен карактер, бидејќи ќе биде посетена и од децата од „Дневниот центар за деца со церебрална парализа“- Скопје на кои што организаторите ќе им подарат мед и пчелни прозиводи.