Паркер со звукот на сирената ја урна Оклахома



Францускиот репрезентативец со кош во последната секунда му донесе триумф на Сан Антонио од 86:84

Екипата на Сан Антонио, со поените на Тони Паркер во последната секунда, забележа победа над Оклахома Тандер со 86:84, во единствениот натпревар, кој изминатата ноќ се одигра во НБА лигата.

Францускиот репрезентативец, во последната четвртина, беше едноставно незадржлив, постигнувајќи 14 поени.

Паркер, најпрвин погоди тројка за израмнување 84:84, а потоа му ја украде топката на Ленард и преку Ибака го постигна решавачкиот кош. Плејмејкерот на Сан Антонио мечот го заврши со 14 поени и 11 асистенции.

Најефикасен кај Спарси беше Тим Данкан со 20 поени, 8 скока и 3 блокади, 13 поени постигна Дени Грин, а 11 уфрли Стивен Џексон.

Во премиерниот натпревар за Оклахома во новата сезона, најефикасен беше Кевин Дурент со 25 поени и 14 скокови, Расел Вестбрук имаше учинок од 18 поени, 8 скока и 5 асистенции, додека Кевин Мартин постигна 15 поени.

Вториот натпревар кој требаше да се одигра ноќеска меѓу Бруклин и Њујорк е одложен поради лошите временски услови во Њујорк и околината.

Вечерва на програмата се 12 натпревари: Шарлот - Индијана, Орландо - Денвер, Бостон - Милвоки, Атланта - Хјустон, Кливленд - Чикаго, Њујорк - Мајами, Њу Орлеанс - Јута, Оклахома Сити - Портланд, Минесота - Сакраменто, Феникс - Детроит, Лос Анџелес Лејкерс - Лос Анџелес Клиперс, Голден Стејт - Мемфис.