01.11.2012, 16:13 Преку кампањи ќе се учат како да препознаваат депресија
Се претпоставува дека во Македонија од депресија дтрадаат околу 200.000 луѓе
Со мерките се опфатени и студентите, на кој ќе им се врши проценка на менталниот статус при систематскиот преглед во соодветните здравствени установи,а ќе се користи и онлине алатка за скрининг на суицид на ниво на универзитетите што би идентификувал студенти со вакви размислувања. Ќе се организираат и работилници за избраните лекари кои ќе се учат да препознаваат и третираат депресијата.
Се позачестените случаи и обиди за самоубиства во последниве недели, Министерството за здравство, планира да ги намали со кампањи за едукација на родителите, школските психолози и педагози, како и матичните лекари за полесно препознавање на депресија кај децата и студентите. Се претпоставува дека во Македонија од депресија дтрадаат околу 200.000 луѓе. И покрај зачестените случаи и обиди за самоубиства, Македонија со 6,7 случаи на 100.000 жители во првите 9 месеци од 2012 година, е меѓу земјите со ниска стапка на самоубиства, односно една од најниските во Европа. Во просек секоја петта жена и секој десетти маж страдаат од депресија.
Сите надлежни институции внимателно ја следат ситуацијата, а министерот за здравство Никола Тодоров заедно со експертите од оваа област предложил конкретни мерки за справувањето со депресијата.
„Мерките вклучуваат спроведување на кампања преку која родителите ќе можат да препознаат депресија кај своите деца,ќе се изврши едукација на сите училишни педагози и психолози за препознавање знаци на депресија и најмалку еднаш годишно проценка на менталниот статус кај учениците во основните и средни училишта кај кои постои одредена форма на депресија, односно тенденција за суицид“, рече Тодоров.
Со мерките се опфатени и студентите, на кој ќе им се врши проценка на менталниот статус при систематскиот преглед во соодветните здравствени установи,а ќе се користи и онлине алатка за скрининг на суицид на ниво на универзитетите што би идентификувал студенти со вакви размислувања. Ќе се организираат и работилници за избраните лекари кои ќе се учат да препознаваат и третираат депресијата.
Од депресија,, страдаат младите на возраст од 16 до 20 години, а пикот е меѓу 30 и 40 година од животот, истакна директорот на Клиниката за психијатрија, Антони Новотни. Според негоа 80 отсто од оние кои страдаат од депресија, зборуваат за самоубиства.
„Клиниката ја активираше СОС линијата за кризни состојби- 3136 400 и 076 456300 на која стручни лица ќе им пружа�� помош или ќе им дадат совет на оние на кои им е потребна“, додаде Новотни.
Во Македонија во 2010 година стапката на самоубиства изнесувала 7,4 случаи на 100.000 жители, и 6,9 случаи на 100.000 жители на 2011 година. За илустрација, во 2010 година стапката на самоубиства во Бугарија изнесувала од 9,3 случаи на 100.000, 9,9 случаи на 100.000 жители во Германија, 14,7 случаи на 100.000 во Хрватска, 17,2 случаи на 100.000 жители во Словенија, 21,7 случаи на 100.000 жители во Унгарија до 28,5 случаи на 100.000 жители во Литванија.
Според податоците од Светска здравствена организација, околу 350 милиони луѓе страдаат од депресија. Познато е дека речиси двојно повеќе заболуваат жените отколку мажите. Доживотниот ризик за депресија изнесува 20-30 отсто. Причините за депресија не се познати, но се претпоставува дека во нејзината генеза се вклучени многу различни чинители, почнувајќи од специфичностите на индивидуата, па се до причинителите од околината. Светската економска криза која е во тек, стрес, тага, конфликти, невработеност, злоупотреба, се често споменувани причини за депресија.
Психолошките студии од различни земји известуваат дека 90 отсто од луѓето кои извршиле самоубиство страдаат од едно или повеќе психијатриски нарушувања. Депресијата е болест на современото општество. (Ј.Ј.В.)
|
