Собранието ќе расправа за интерпелација на претседателот на РКЕ

Пратениците денеска треба да расправаат за интерпелацијата за работењето на претседателот на Регулаторната комисија за енергетика, поднесена од опозицијата

Пратениците во Собранието на Република Македонија во рамки на продолжението на 45. седница денеска треба да дебатираат за интерпелацијата за работењето на претседателот на Регулаторната комисија за енергетика, поднесена од пратеници на опозицијата.

На дневен ред се и предлогот за именување на член на Советот на Јавното претпријатие Македонска радио телевизија, предлог одлука за утврдување на процентот на зафаќање од вкупниот годишен приход на носителите на лиценци за вршење на енергетски дејности за финансирање на работењето на Регулаторната комисија за енергетика на Република Македонија за 2013 година, како и предлогот за финансиски план на Регулаторната комисија за енергетика за 2013 година.

Во рамки на оваа седница се и вторите читања од дополнетиот предлог-закони за туристички развојни зони, за изменување и дополнување на Законот за угостителска дејност, за изменување и дополнување на Изборниот законик, за изменување и дополнување на Законите за финансирање на политичките партии, на Кривичниот законик, за граѓанска одговорност за навреда и клевета, за странската информативна дејност во Република Македонија, за изменување на Законот за судовите и други.