Романија го одложува влезот во еврозоната

Романскиот премиер Виктор Понта изјави денеска дека неговата држава ќе го пропушти рокот за влез во еврозоната, одреден за 2015 година, но и понатаму е посветена на воведување единствена европска валута кога ќе бидат исполнети условите.

- Рокот за влез во еврозоната во 2015 година не е врежан на камен, изјави Понта и додаде дека Романија и понатаму ќе презема се поголеми напори за да се исполнат условите за воведување на еврото како што е потпишано во Договорот во Мастрихт.

- Од голема важност е да се држиме до критериумите за пристапување, меѓу останатото оние за контрола на инфлацијата и буџетскиот дефицит, на��ласи романскиот премиер.

За да станат членки на еврозоната, државите мора да исполнат пет критериуми меѓу кои и одржување буџетски дефицит на ниво под три отсто БДП, како и ниска стапка на инфлација.