Тадиќ се повлече од челната позиција во Демократската партија

Поранешниот српски претседател Борис Тадиќ се повлече денеска од лидерската функција во Демократската партија, која сега е во опозиција.

Тадиќ ја објави одлуката на партиската средба денеска, свикана за подготовка на конгресот на партијата.

Порано оваа година Тадиќ и неговата Демократска партија ги загубија парламентарните и претседателските избори.

Борис Тадиќ најверојатно ќе биде заменет од Драган Ѓилас - сегашен градоначалник на Белград.

Тадиќ ќе остане „почесен претседател“ на Демократската партија.