Македонија претставена на Глобалниот саем за туризам во Лондон

Македонските туристички потенцијали, од денеска до четврток, ќе бидат презентирани пред британските тур-оператори на Глобалниот саем за тур-оператори во Лондон (World Trade Market London 2012 http://www.wtmlondon.com/ )

Презентациите се во организација на Агенцијата за странски инвестиции и промоција на извозот, во соработка со Агенцијата за промоција на туризмот и македонската Амбасада во Лондон.

Покрај договорените презентации закажани се и билатерални средби со повеќе тур- оператори, со кои преговорите за склучување договори за туристички посети од Британија во Македонија се во поодмината фаза.