Вардар и без публика славеше во Куманово

Со голот на Остоја Стјепановиќ од пенал-линијата вардарци го совладаа Напредок со 1:0

ФОТО: Петр Стојановски

Екипата на Вардар и понатаму е на врвот на табелата во првата фудбалска лига. „Црвено-црните“ без поддршка од своите навивачи во Куманово го совладаа Напредок со 1:0.

Во 22. минута од пенал-линијата за радост на домашниот тим погоди Остоја Стјепановиќ. До крајот вардарци умешно го чуваа водството и не му дозволија на противникот да извлече реми со кое сигурно ќе го загубеше лидерското место.

Дербито во Тетово помеѓу Шкендија и Хоризонт Здравје му припад��а на гостинскиот тим. Херојот на „турновци“ е Илиев, тој во 90 минута ги постави конечните 2:1 за својот тим.

Инаку, првото водство на мечот им припадна на гостите, од белата точка прецизен беше Блажевски, а по 15 минути игра во второто полувреме од истото место, но за нерешени 1:1 погоди Емини.

Металург од гостувањето во Битола се врати со минимална победа од 1:0 и се искачи на четвртото место на табелата.

Вистински шок во 13. коло доживеа Работнички, во последните регуларни минути беше поразен на гостувањето кај Дрита со 1:0. (М.К.)


Резултати 13. коло: Вардар - Напредок 1:0, Шкендија - Хоризонт З. 1:2, Пелистер - Металург 0:1, Силекс - Брегалница 2:1, Дрита - Работнички 1:0, Ренова - Тетекс 1:0.

ТАБЕЛА

1. Вардар 13 8 3 2 27:9 27

2. Хоризонт З. 13 7 5 1 17:10 26

3. Шкендија 13 7 3 3 26:15 24

4. Металург 13 7 2 4 16:11 23

5. Напредок 13 7 1 5 15:13 22

6. Дрита 13 5 4 4 16:19 19

7. Ренова 13 5 2 6 14:20 17

8. Брегалница 13 5 2 3 11:12 17

9. Работнички 13 4 2 7 18:24 14

10. Силекс 13 3 3 7 12:11 12

11. Пелистер 13 3 3 7 12:18 12

12. Тетекс 13 1 2 10 6:23 5

Следно коло (11 ноември): Брегалница - Пелистер, Металург - Шкендија, Напредок - Дрита, Работнички - Силкес, Тетекс - Вардар, Турново - Ренова.