03.11.2012, 11:23 Лејкерси пак загубија, Мајами прегазен од Њујорк
Клиперси во градското дерби славеа 105:95 против „езерџиите“, кои го претрпеа третиот пораз по ред на стартот на сезоната
Тимот на ЛА Клиперс во градското дерби ја однесе победата над Лос Анџелес Лејксерс со 105:95.
Лејкерси и по три натпревари не можат да постигнат победа. Ако на тоа се придадат и натпреварите од предсезоната, Лејкерси имаат скор од неверојатни 11 последователни порази.
- Ни треба победа. Затоа и Коби Брајант помина толку време на паркетот, изјави тренерот на Лејкерси Мајк Браун.
Брајант играше 43 минути за кое време постигна 40 коша и 6 скоскови, но имаше и шест изгубени топки.
Лејкерси за прв пат последниве 34 години ја започнуваат сезоната со скор 0-3 во победи
Актуелниоот шампион на НБА лигата, тимот на Мајами, ноќеска доживеа висок пораз на гостувањето кај Њујорк и загуби со 104:84. Домашната екипа со одличниот почеток ја доби првата четвртина со 33:17 и практично обезбеди предност која знаеше да ја претвори во висока победа.
Предводник на победата беше Кармело Ентони со 30 поени и 10 скокови, додека шест играчи имаа двоцифрен број поени.
Останати резултати: Шарлот – Индијана 90:89, Орландо – Денвер 102:89, Бостон – Милвоки 88:99, Атланта – Хјустон 102:109, Кливленд – Чикаго 86:115, Њујорк – Мајами 104:84, Њу Орлеанс – Јута 88:86, Оклахома Сити – Портланд 106:92, Минесота – Сакраменто 92:80, Феникс – Детроит 92:89, Голден Стејт – Мемфис 94:104.
Вечерва играат: Вашингтон – Бостон, Индијана – Сакраменто, Бруклин – Торонто, Мајами – Денвер, Чикаго – Њу Орлеанс, Хјустон – Портланд, Милвоки – Кливленд, Далас – Шарлот, Сан Антонио – Јута и Лос Анџелес Клиперс – Голден Стејт.
|
