ССМ бара надоместоците да бидат според Колективен договор

Владата не ја почитува одлуката на Уставниот суд за укинување на два члена од Законот за извршување буџет, надоместоците за храна и за превоз на вработените во јавниот сектор треба да им се пресметуваат согласно со Колективниот договор, тврдат од Сојузот на синдикатите на Македонија (ССМ). Според портпаролот на ССМ, Пецо Грујовски, со пресметување на надоместоците за храна и превоз согласно Законот за извршување на Буџет, а не според колективните договори за јавниот сектор и на ниво на работодавец, Владата им скратува повеќе од 1.000 денари секој месец на вработените. Голем дел од вработените во јавниот сектор земаат фиксен надомест за храна од 2.300 денари месечно и превоз 900 денари месечно. Според ССМ, доколку овие надоместоци се пресметуваат согласно со Колективниот договор што го изработи ССМ, вработените би земале околу 3.900 денари за храна и најмалку 1.400 денари за превоз. „Одлуката беше донесена во април годинава и досега не е спроведена. Бараме ССМ и Владата да го решат ова прашање преку преговори“, порача Грујовски. Меѓу ретките кои земаат надоместоци за храна и за превоз пресметани согласно со гранковиот колективен договор се здравствените работници.

Раководителот на Секторот за работни односи, Драге Јованоски, посочи дека Владата, не почитувајќи ги одлуките, Уставниот суд ги крши одредбите на Уставот. (А.П.)