29.02.2012, 13:48 Шампионот Далас без решение за Брук Лопез
Минесота, исто така на гостински терен ги изненади ЛА Клиперс победувајќи ги со 109:97
По паузата поради „Ол-стар“ натпреварот синоќа продолжија натпреварите во НБА лигата, на кои Далас го забележа и 14. пораз, овој пат на домашен терен од Њу Џерси со 92-93. Минесота, исто така на гостински терен ги изненади ЛА Клиперс победувајќи ги со 109-97.
Нетси до триумфот над Далас ги предводеше Брук Лопез кој заврши со 38 поени, а одличен беше и Крис Хамфриц кој покрај десетте поени забележа и 15 скока, додека кај актуелните шампиони се истакна Дирк Новицки со 24 поени и десет скока.
Во триумфот на Минесота над Клиперси најдобри беа Дерик Вилијамс и Мајкл Бизли со по 27 поени, додека поранешниот кошаркар на Партизан мечот го заврши со 12 поени и четири скока. Кај домашните Блејк Грифин имаше 30 поени, додека Крис Пол – 27 поени, но и тоа залудно со оглед на поразот на Клиперси.
Бостон, благодарение на Реј Ален кој постигна 22 поени, ја прекина низата од пет едноподруго порази победувајќи го Кливленд со 86-83, додека Чикаго го совлада Њу Орлеанс воден од Дерик Роуз кој забележа 32 поени и девет асистенции.
Резултати: Кливленд – Бостон 83-86, Индијана – Голден Стејт 102-78, Детроит – Филаделфија 68-97, Чикаго – Њу Орлеанс 99-95, Милвоки – Вашингтон 119-118, Хјустон – Торонто 88-85, Далас – Њу Џерси 92-93, Сакраменто – Јута 103-96, ЛА Клиперс – Минесота 97-109.
|
