29.02.2012, 13:58 Мурињо бара куќа во Лондон, се враќа во Премиер лигата?
Британскиот таблоид „Сан“ пишува дека Португалецот разгледувал пет имота во реоните на Најтсбриџ и Мејфер во Лондон, а имал и вечера со извесен агент со недвижен имот
Како што пишува британскиот весник „Сан“, Жозе Мурињо ги подгрева шпекулациите за враќање во Премиер лигата, откако се појави информација дека бара куќа во Лондон.
Според „Сан“, Мурињо на крајот на сезоната ќе го напушти Реал Мадрид и ќе седне на клупата на Тотенхем на местото на Хари Реднап, кој се очекува да ја превземе функцијата селектор на Англија.
Сепак, доколку Реднап не замине од Тотенхем, тогаш Мурињо би се вратил во Челзи. Пред извесно време дури и самиот Португалец изјави дека има незавршена работа на „Стемфорд Бриџ“ и посакува да го заврши она што го почнал со Роман Абрамович.
Британскиот таблоид пишува дека португалскиот стратег разгледувал пет имота во реоните на Најтсбриџ и Мејфер во Лондон, а имал и вечера со извесен агент со недвижен имот.
|
