02.03.2012, 14:30 Албанскиот Парламент го разреши Крешник Спахиу
Албанскиот Парламент со гласовите на пратениците од мнозинството, го разреши Крешник Спахиу од функцијата заменик претседател на Вискиот совет за правда. Против неговото разрешување гласаа пратениците од опозицијата.
Како што и се очекуваше, претседателот на анкетната комисија Енкелед Алибеај пред пратениците го презентираше извештајот од неколкунеделната истрага во врска со активностите на Спахиу, кој во истовреме е и лидер на националистичката Алијаса „Црвено црни“.
Според Алибеај, во текот на истргата докуменирани се активностите на Спахиу, каде се јавува како гласноговорник на „Црвено црните“ противејќи се на пописот на населението.
„Во спротивност со неговата државна хиерархија, Спахиу политички го употребувал ова прашање со доза на хипокризиа и популизам. Тој како дел од движењето го инсрументализира и адаприра истотото со судството“, стои во извештајот на комисијата.
Во документот се наведуваат и други злоупотреби на Спахиу, меѓу кои и финансиското менаџирање на институцијата во која бил втор човек.
Спахиу веднаш ги демантираше наодите во извештајот, оценувајќи дека тоа е одмазда на Демократите врз него, кои се обединиле со претставникот на грчкото малцинство во Парламентот, пратеникот Вангел Дуле. Кога беше побарано негово разрешување од страна на премиерот Сали Бериша, тој по неколку дена, на почетокот на февруари, поднесе оставка на државната функција.
Движењето „Црвено црни“ беше против попис на населението врз етничка и верска припадност, а на негово барање Уставниот суд ја оцени како неуставна категоријата националност во граѓанскиот регистар, на што остро реагираа Македонците и сите други малциснтва.
|
