01.03.2012, 11:14 Десет ренети во експлозија на бомба во Истанбул
Најмалку десет лица се ранети денеска во моќната експлозија на бомба, активирана со далечинско управување, во истанбулскиот кварт Бејоглу, што се случила при минувањето на полициски автобус во близина на седиштето на владеачката Партија на правдата и разојот (ППР) и до зградата на здружението на независни индустријалци и бизнисмени во Турција (МУСИАД), соопшти шефот на истанбулската полиција Хусеин Чапкан, цитиран од телевизискиот канал Си Ен Ен-Турк.
Чапкан посочи дека 21 полицајци се наоѓале во полицискиот автобус.
Првично турските медиуми ја соопштија претпоставката дека бомбата била прицврстена на еден мотоцикл.
Прва помош на настраданите полициски службеници им била укажана во зградата на МУСИАД, по што некои од нив биле однесени во болница.
Освен врз полицискиот автобус материјална штета е предизвикана и врз повеќе други автомобили, паркирани во реонот на инцидентот.
Многу возила на брзата помош и пожарникарски возила се испратени на местото на експлозијата, информира турскиот телевизиски канал НТВ.
Полицијата презеде засиле��и мерки за безбедност во реонот. Во моментов се претресува реонот заради стравувања за постоење на втора бомба.
Во Истанбул се активни курдски, левичарски и радикални исламистички борци, забележуваат американсиките медиуми.
|
