Времето денеска: облачно и дождливо

Времето во Македонија ќе биде променливо облачно, а во североисточните делови претежно облачно, со повремени врнежи од дожд. Ќе дува умерен наместа засилен ветер од северозападен правец особено во претпладневните часови.

Утринската температура ќе се движи од два до осум, а дневната од 13 до 20 степени.

Во Скопје и околината времето ќе биде претежно облачно со повремени врнжи од дожд. Ќе дува умерен ветер од северозападен правец. Утринската температура ќе се спушти до осум, а дневната ќе се искачи до 16 степени.

Во утринските часови сообраќајот на сите магистрални и регионални патни правци се одвива непречено, без забрани, застои и ограничувања, по суви и чисти коловози на пониските места, а на повисоките места се бележи местимична влажност.

Поради честа појава на одрони препорачуваме голема внимателност на патните правци Дебар - Струга, Маврово - Дебар, Катланово - Велес и Демир Капија – Удово.

Повнимателно управување со возилата е потребно и на магистралниот пат М-1 делница Катланово – Велес, каде во наредниот период од годината ќе се одвиваат работи на реконструкција на патот.

Интензитетот на сообраќај е умерен на патните правци надвор од градските средини.

На граничните премини не се забележани подолги чекања.