Отворен новиот трговски центар на „Бриколаж“ во Скопје

Фото: http://build.mk/

Продажниот салон, што беше официјално отворен синоќа, е на површина од 3.000 метри квадратни

Хипермаркет на францускиoт бренд Mr.Bricolage е отворен во новиот трговско-деловен центар на Скопски пазар а.д, лоциран на местото на стариот Кванташки пазар на улицата „Перо Наков“ во Скопје.

Продажниот салон, што беше официјално отворен синоќа, е на површина од 3.000 метри квадратни. Нуди широк асортиман, популарно наречени „направи сам“ производи за домаќинство, градежништво и хортикултура. Поставени се над 30 илјади артикли електрика и расвета, aлати и железарија, градежништво, декорација, бои и лакови, сe за бањата, керамички плочки, дрво, подови и подни облоги, сe за уредување на градината… Потрошувачите на едно место можат да добијат и услуги за испорака на купените стоки, консултации со професионален кадар, кроење иверки според димензиите и желбите на купувачот, поставување на купениот ламинат, сечење стакло, правење рамки за слики во димензии по желба на ��упувачот, мешање бои…

Со вкупно 705 продавници, 11.000 вработени и продажен простор од над 1.600.000 квадратни мерки, „Mr.Bricolage“ спаѓа меѓу најдобрите четири „направи сам" маркети на глобално ниво.

Покрај Mr.Bricolage, на површина од 1.560 метри квадратни во новиот трговско-деловен центар на Скопски пазар е присутен и најголемиот салон за техника во Македонија на познатиот домашен бренд за потрошувачка електроника и бела техника Нептун.