04.09.2012, 12:34 Во Србија 21 лице инфицирано од вирусот Западен Нил
Во Србија кај 21 лице е потврден вирусот Западен Нил, кој на човек се пренесува преку тигрестиот комарец, објави Клиниката за инфективни и тропски болести.
Заменик-директорот на клиниката Олга Дуловиќ, изјави дека според податоците на Институтот Торлак, каде се вршат анализите, инфекцијата е потврдена кај 21 лице, а сите заразени се на возраст меѓу 52 и 82 години.
Дуловиќ за РТС нагласи дека најголем број од заразените не патувале во делови во кои се регистрирани инфицирани, како што е Грција и дека заразата не се пренесува директно од човек на човек.
Според Дуловиќ болеста се манифестира на повеќе начини, така што забо��ените имаат слика на енцефалитис и лекарите тоа брзо го препознаваат, но болеста може да се јави и кај луѓе кај кои не се јавува слика на енцефалитис. Таа истакна дека бројот на заболени со слика на енцефалитис во текот на летото е зголемен и дека бројот на заразени од оваа треска може да биде поголем.
Заменик-директорот на клиниката нагласи дека оваа година првпат е потврдено дека причината за заразата е тигрест комарец, како и дека од серумот од пациентите кој е зачуван од минатата година ќе се обидат да утврдат дали инфекцијата била присутна и минатата година.
|
