Одом и Далас ја прекинаа соработката

Ламар Одом и Далас ја прекинаа соработката. Дека повеќе не е дел од маверикси потврди и 32-годишниот кошаркар, а разделбата е во интерес на обете страни.

„Договорот со Далас го раскинав спогодбено. Моето оддалечување од тимот е во интерес на обете страни“, јасно порача Одом за ЕСПН и продолжи:

„Жалам што ситуацијата не се разви подобро и за мене и за Далас. Сеедно, на маверикси им посакувам само успех во обидот да ја одбранат шампионската титула“.

Својата кариера во НБА-лигата Одом ја почна во екипата на Лос Анџелес Клиперс. Во 2003 година се пресели во Мајами, а од 2004 година до 2011 година го носеше дресот на Лос Анџелес Лејкерс. Беше член на Далас од 11 декември во минатата година.

Резултати: Портланд - Хјустон 89:94, Милвоки - Оклахома 89:109, Шарлот - Вашингтон 85:113, Индијана - Торонто 103:98, Орландо - Детроит 119:89, Њу Орлеанс - Лос Анџелес Лејкерс 91:93, Мемфис - Лос Анџелес Клиперс 94:85, Денвер - Голден Стејт 123:84, Јута - Сан Антонио 91:84, Минесота - Феникс 90:114.