Доделување награди по повод 18 Мај

Македонскиот национален комитет на Меѓународниот совет на музеите (МНК ИКОМ) денес во 12 часот, во Музејот на Македонија ќе ја додели наградата „18 Мај - Меѓународен ден на музеите“ за музејски проект за 2011 година.

Наградата ќе биде доделена во четири категории: музеј на годината, музејски проект на годината, музејски работник и надворешен музејски соработник.

Минатата година беше награден Заводот за заштита на спомениците на културата и Музеј - Струмица, наградата за најдобар музејски проект ја доби проектот „Неолитското село ’Тумба Маџари’ во Скопје, наградата музејски работник на годината му беше доделена на историчарот Петре Камчевски од Музејот-галерија во Кавадарци, а како надворешен музејски соработник беше наградена новинарката Корнелија Буклеска од Редакцијата за култура на Македонското радио. (К.Б.)