17.05.2012, 14:09 Чичек: Македонија во најкраток рок да стане дел од НАТО
Македонија заслужи да биде членка на НАТО, истовремено има и заедничка иднина со ЕУ. Многу значајно е тоа што големото мнозинство на народот на Македонија ја дава подршката за нејзино зачленување во овие институции. Посакуваме да се елиминираат пречките кои што стојат пред неа на тој пат.
Ова денеска го истакна претседателот на Големото турско национално собрание Џемил Чичек на обраќањето во македонскиот Парламент истакнувајќи дека Турција од секогаш силно и искрено го поддржува зачленувањето на Македонија во НАТО.
Чичек посочи дека придонесот на Македонија во НАТО мисиите и операциите, на чело на онаа во ИСАФ Афганистан, со благoдарност е примена од страна на сите сојузници. Македонија, посочи, денес е земја што придонесува за безбедноста, мирот и стабилноста во овој регион и пошироко.
- Македонија, повеќе од потребно ги исполни условите за зачленување во НАТО. Турција која е членка на НАТО од 1952 година и оваа институција ја гледа како основен фактор за евроатлантската безбедност и искрено ја поддржува политиката на отворена врата на Алијансата, нереализирањете на членството на Македонија ја смета за едно големо разочарување. Верувам дека Република Македонија, во најкраток рок, на начин што ќе биде прифатлив за својот народ, ќе биде членка на НАТО. Одлучната наша подршка на овој план ќе продолжи и понатаму, рече Чичек пред македонските пратеници.
Во однос на зачленувањето во ЕУ, тој кажа дека Турција е една од земјите која што најдобро ги знае потешкотиите на овој процес.
- Се надевам на елиминирање на пречеките во овој процес на зачленување на Македонија, што поскорешно започнување со прегеворите за членство и успешен крај на овој процес, рече претседателот на турското Собрание.
|
