Германија повикува да се заштитат христијаните во Египет

Шефот на германската дипломатија Гвидо Вестервеле се заложи денеска за заштита на христијаните во Египет.

- Христијанското малцинство во Египет треба да биде заштитено. Ние не поддржуваме ниту една политичка сила. Ние сме на страната на луѓето кои се залагаат за слобода и демократски вредности и кои сакаат отворено општество, рече Вестервеле.

Шефот на германската дипломатија истакнал и дека Германија не планира да испорачува оружје за Египет.

Во немирите во различни египетски провинции се разурнати 22 христијански храмови, од кои седум католички, а оти исламистите ги обвинуваат христијанските Копти дека ја поддржуваат војската, која го собори од власт претседателот Мохамед Морси.

Египетското Воено обвинителство најави дека наскоро ќе почне разгледување на 84 случаи на уапсени лица обвинети за убиства и палење цркви.

Вестервеле вчера истапи со иницијатива за одржување министерски состанок на ЕУ за Египет, изразувајќи надеж дека тој ќе помогне да се постигне единствен пристап за ситуацијата во земјата.