Астон Вила го преслуша Арсенал на „Емирати“

Гостите од Бирмингем непријатно ги изненадија „топчиите“ на домашен терен со 3:1

Непријатно изненадување на стартот од новото првенство во Премиер лигата им приредија играчите на Арсенал на своите навивачи кои загубија дома од Астон Вила со 3:1.

Покрај екипата од Б��рмингем (Астон Вила) гостински победи остварија Фулам против Сандерленд и Саутемптон против ВБА. И двата натпревара завршија со резултат 1:0 за гостите.

Победи на домашен терен постигнаа Ливерпул против Стоук 1:0 и Вест Хем против Кардиф со 2:0. Нерешено заврши дуелот Норвич – Евертон 2:2. Во тек е натпреварот меѓу Свонси и шампионот Манчестер Јунајтед.

Утре се играат натпреварите: Кристал Палас – Тотенхем и Челзи – Хал. Последниот натпревар Манчестер Сити – Њукасл се игра во понеделник.