Баерн и Барселона во полуфиналето на ЛШ

Четворката треба да ја докомплетира Реал со предноста пред АПОЕЛ, а Челзи да се избори пред Бенфика

Актуелниот шампион во Лигата на шампионите, тимот на Барселона на Ноу Камп беше подобар од шампионот на Италија, Милан совладувајќи го со 3:1. Меси двапати од пенал ја затресе мрежата на „росонерите“, еднаш Иниеста, а голот за Милан го постигна Ночерино на асистенција на Ибрахимович.

Баерн и на Алијанц Арената беше поуспешен од Олимпик Марсеј и славеше со идентичен резултат како во Франција (2:0).

Вечерва Реал на „Сантијаго Бернабе“ игра против АПОЕЛ, а ја има предноста од 3:0 од натпреварот во Никозија со што е речиси сигурен патник во полуфиналето, а Барселона го чека подобриот од Челзи и Бенфика. Челзи игра на свој терен и има предност од еден гол во гости од претходниот дуел.