04.09.2008, 15:51 Што прават денеска  Бојан Јовановски
шоумен
Денеска планирам да се појавам со специјален стајлинг пред новинарите на мојата прес-конференција, во 12 часот во „Александар палас“, по повод концертот на 17 септември на Градскиот стадион. А, бидејќи тоа е комплициран стајлинг, се подготвувам речиси два дена за него.
 Дани
пејачка
Релаксиран ден и покрај тоа што го реновирам станот, па имам мајстори. Но, немам професионален ангажман, па утринава синот го испраќам на училиште, па мајстори, а попладнето ми е слободно. Вечер, одам на една роденденска забава.
 Зоран Жугиќ
сликар
Вечерва, во Центарот за култура „Григор Прличев“ во Охрид, се отвора заедничката изложба на слики на сопругата Влатка и моите. Возбудата за отворањето на изложбата ми ја смирува убавината на Охрид, во кој сум првпат, но ми се чини дека нема да биде и последен.
|
