13.10.2012, 20:26 Од четврток директни летови од Скопје за Дубаи
„Флајдубаи“ соопшти дека ја проширува својата мрежа со нови директни летови кои ќе го поврзуваат Дубаи со Скопје и со Букурешт.
Извршниот директор на „Флајдубаи“ изјави дека воведувањето на директни линии ја отсликува посветеност на компанијата за поврзување на Балканот со Блискиот Исток. При промовирањето на новите директни линии, тој истакна дека им се нуди поголем избор на клиентите, зголемување на меѓународните патувања, како и можности за трговија.
Воведувањето на овие две дестинации во понудата на „Флајдубаи“, имаат за цел да ја зајакнат позицијата на носечка авиокомпанија на Блискиот Исток, но истовремено да понудат и евтини билети за овие дестинации.
Оваа нискобуџетна авиокомпанијата информира дека летовите од и до Скопје стартуваат од 18 октомври, а според редот на летање, оваа компанија ќе лета два неделно до нашата метропола.
|
