11.10.2012, 12:24 Предлогот на ЕК шанса да се стави крај на грчката блокада
Германскиот европарламентарец Бренд Поселт задоволен од позитивниот извештај и повторената препорака за почеток на преговорите
Германскиот европарламентарец Бренд Поселт изрази задоволство од позитивниот извештај на Европската Комисија за Македонија, повторената препорака за почеток на преговорите и за предложената рамка за решавање на прашањето за името во раната фаза од пристапните преговри со ЕУ.
Тој оценува дека постои реална шанса да се стави крај на грчката блокада на процесот на пристапување на Македонија кон ЕУ.
- Ние треба веднаш да започнеме преговори за пристапување со Македонија, бидејќи реформите и успесите на Владата на Груевски заслужуваат целосна поддршка, вели европратеникот Поселт, во изјавата објавена на веб страницата на ЦСУ (христијанско социјална унија), сестринска партија на германската владејачка партија ЦДУ (христијанско демократска унија) на канцеларката Ангела Меркел
|
