12.10.2012, 12:33 Откриенa планетa составенa од дијаманти
Планетата 55 Санкри е двојно поголема од Земјата, а се врти околу нејзиното сонце за 18 часа
Научниците во соѕвездието Рак открија планетa наречен 55 Санкри, која е составена од дијаманти.
Планетата се движи со голема брзина, поради што нејзината година трае едвај 18 часа, објави весникот „Хафингтон Пост“.
Радиусот на планета 55 Санкри е двојно поголем од оној на Земјата, а нејазината маса е осумпати поголема од таа на нашата планета. Освен тоа, површината на оваа дијаманската планета е презагреана, достигнувајќи температура од дури 1.648 степени Целзиусови.
„Површината на оваа планета е покриена со графит и дијаманти“, изјави Ник Мадасадан, истражувач од Универзитетот „Јел“, чии откритија наскоро ќе бидат објавени во списанието „Астрофизикал Џурнал Летерс“. Тој проценува дека барем третина од целата планета ја сочинуваат токму дијаманти.
„Дијамантни“ планети и претходно се откривани во Вселената, но ова е првпат да биде пронајдена планета што се врти околу една ѕвезда и што е подетално проучувана. - Ова е прв увид во еден свет кој има темелно поинаков хемиски состав од ониј Земјата, додава Мадасадан.
Давид Спергел од Универзитетот „Принстон“ објасни дека е едностано да се открие структурата и историјата на ѕвездата кога е позната нејзината маса и старост: - Но, планетите се многу покомплексни. Оваа „супер-Земја богата со дијаманти“ најверојатно е само еден пример на богато откритие, кое не очекуква кога ќе тргнеме во истражување на поблиските ѕвезди, вели Спергел.
Поимот „поблиски“ во овој случај значи дека секој ловец на дијаманти до 55 Санкри би морал да патува 40 светлосни години.
|
