Мотоциклист удри во паркиран автомобил и загина



ТЕТОВО - Бурим Скендари (21) од Тетово загина во сообраќајна несреќа управувајќи со својот моторцикл "Хонда", додека неговиот сопатник Енес Р. (19) помина со повреди. Несреќата се случи ноќеска во 1,15 часот на булеварот "Илинденска" во Тетово.

Скендари удрил со мотоциклот во паркиран автомобил. Мотоциклистот и неговиот сопатник биле однесени во болница, но лекарите констатирале смрт кај Скендери, додека совозачот е пуштен на домашно лекување, соопштија од полицијата. Надлежните извршија увид и ги истражуваат причините за несреќата. (Г.Е.)