28.11.2012, 15:04 Загубарите со акции го компензираат долговите
Друштвото за производство на производи со посебна намена „11 Октомври - Еурокомпозит“ од Прилеп ќе издаде 218.819 обични акции во износ од 1,1 милион евра, одлучи Комисијата за хартии од вредност.
Акциите од третата емисија се обични и се издаваат по продажна цена од 5,113 евра по акција, што е еднаква на нивната номинална вредност. Емисијата по пат на приватна понуда се врши на тој начин што државата ги презема акциите од новата емисија, а побарувањата по основа на јавни давачки што ги има државата кон „11 Октомври - Еурокомпозит“ ги претвора во трајни влогови. Според КХВ, на овој начин ќе се намали долгот кој ком��анијата го има кон државата по основа на јавни давачки.
Постапката се спроведува согласно со Законот за претворање на побарувањата по основа на јавни давачки во траен влог во друштвата АД Органско-хемиска индустрија „Наум Наумовски-Борче“ - Скопје, Тутунски комбинат од Прилеп и Друштво за производство на производи со посебна намена „11 Октомври - Еурокомпозит“.
КХВ даде одобрение ЕМО АД Охрид да издаде трета емисија на 143.934 обични акции во вкупна вредност од 4,4 милиони евра, наменета за познат купувач - Владата. Таа ги презема акциите од новата емисија со претворање на своето побарување во влог во друштвото.
Комисијата за хартии од вредност по барање на „Инвестброкер“ ја прошири дејноста со услугата „инвестициско советување“. (Ек.Р.)
|
