29.11.2012, 13:17 Челзи никако да даде гол
Европскиот првак повторно одигра 0:0, овој пат против Фулам во Премиер-лигата
Доаѓањето на Рафа Бенитез за менаџер на Челзи не донесе никакво подобрување во играта на „сините“. Напротив, европскиот првак веќе двапати под водство на новиот тренер игра со резултат 0:0, така што ниту против Фулам не успеа да дојде до триумф. Она што е полошо е дека Челзи никако не може да дојде до погодок во противничката мрежа. Фактот што се зачувува својата мрежа не може да дојде до израз бидејќи нема погодок во мрежата на протицните, па Абрамович ќе мора да направи преиспитување на одлуката за бркањето на Ди Матео. Дефинитивно, Челзи има тренер кој е мајстор за 0:0, но уште полошо е тоа што играта која синоќа беше прикажана е далеку од потребното.
Напаѓачите на тимот на Ливерпул и понатаму продолжуваат со лошата игра во нападот односно никако не можат да ја затресат мрежата на своите противници. После ремито во минатиот викенд против Свонси вчера Ливерпул остана без бодови против Ливерпул, а играчите не успеаја да постигнат гол иако средбата заврши со 2:1.
Тотенхем поведе уште во 7. минута преку Ленон. Одличното отворање на средбата беше дополнето и со одличната игра на Бејл кој донесе 2:0. Истиот играч донесе и нов гол на средбата, но во сопствената мрежа овозможувајќи му на тимот на Ливерпул да го ублажи поразот.
Интересниот дуел меѓу Евертон и Арсенал не донесе победник и покрај тоа што средбата имаше интересно отворање. Тео Волкот успеа да ја казни одбраната на домаќинот уште на стартот од средбата. Водството беше одлично за средбата, а домашните израмнија кон средината на првиот дел. Сепак, тоа како да беше с што можеа да сторат на овој дуел бидејќи до крајот никој не беше расположен за голови и мечот заврши со 1:1 и поделба на бодовите.
|
