28.11.2012, 13:03 Гол на Новески за Мајнц во Франкфурт
Неговиот тим славеше со 3:1 против Ајнтрахт во натпревар од германската Бундес-лига
Капитенот Николче Новески постигна гол за Мајнц на гостувањето во Франкфурт, каде што неговиот тим славеше со 3:1 против Ајнтрахт во натпревар од германската Бундес-лига. Македонскиот репрезентативец беше стрелец на третиот погодок за Мајнц во 52. минута, кога по нафрлувањето од корнер на Милер со глава ја смести топката во противничката мрежа.
За 33-годишниот битолчанец ова е 12. гол во 256. првенствен меч во дресот на Мајнц.
|
