Промоција на Марковски во Скаволини

Македонскиот стручњак и официјално беше промовиран за нов стратег на италијанскиот прволигаш кого ќе се обиде да го извади од резултатската криза

Заре Марковски и официјално беше промовиран како нов стратег на италијанскиот прволигаш Скаволини кого ќе се обиде да го извади од лошата резултатска криза и да обезбеди опстанок во Лега Серија А.

„Скаволини е клуб со големо реноме. Без разлика на кризата во која се наоѓа овој тим, мене ми е голема чест што ќе бидам тренер. И покрај тоа што клубот се наоѓа во тешка ситуација, сепак ме радува фактот што сите се едногласни во мислењето дека Скаволини заслужува многу повеќе, што пак за мене е гаранција дека ќе работиме сите заедно во остварување на целта: да се влезе во победнички ритам и да се најде излез од резултатската криза.

Доста интересно е што дебито на клупата на овој клуб македонскиот тренер ќе го има против некогашниот клуб Болоња.

„Нереално би било да се очекува дека за два дена ќе успеам да сменам нешто. За денешниот меч против Болоња ќе барам карактер, да се бориме за секоја топка. Од времето со Болоња имам само позитивни спомени, но сето ова ќе биде оставено настрана бидејќи и двете страни посакуваме победа“, заврши македонскиот стручњак. (М.К.)