Вашингтон ја прекина црната серија

„Волшебниците“ со победата на домашен терен против Портланд од 84:82 ја прекинаа серијата од 12 порази во низа

Кошаркарите на Вашингтон ја прекинаа серијата од 12 порази во низа во НБА лигата, откако ноќеска на домашен терен го совладаа Портланд со 84:82 и стигнаа до првиот триумф во новата сезона.

Клучна за победата на Вашингтон беше направената предност од 9 поени во третата четвртина која домаќините ја добија со резултат 25:16.

Најефикасен играч во победничкиот тим беше Џордан Крафорд со 19 поени.

На другите натпревари од НБА лигата одиграни ноќеска постигнати се следниве резултати: ��рландо - Сан Антонио 89:110, Бостон - Бруклин 83:95, Атланта - Шарлот 94:91, Детроит - Феникс 117:77, Чикаго - Далас 101:78, Милвоки - Њујорк 88:102, Мемфис - Торонто 103:82, Њу Орлеанс - Јута 84:96, Оклахома Сити - Хјустон 120:98 и Лос Анџелес Клиперс - Минесота 101:95.

Пласман во Источната конференција: Мајами 10-3 (победи-порази), Бруклин 10-4, Њујорк 10-4, Атланта 9-4, Филаделфија 9-6,...

Пласман Западната конференција: Мемфис 11-2 (победи-порази), Сан Антонио 13-3, Оклахома Сити 12-4, ЛА Клиперс 9-6, Голден Стејт 8-6,...