|
03.12.2012, 12:12 ОМД бара министерство за дијаспора
Обединетата македонска дијаспора (ОМД) побара основање на министерство за дијаспора во рамки на Владата на Република Македонија чија цел би била консолидирање на сите тела задолжени за прашања поврзани со дијаспората, вклучувајќи ги Aгенцијата за иселеници и Cекторот за дијаспора под Министерството за надворешни работи кое би работело во корист на Македонија.
Во писмото од Стојан Николов претседавачот на Управниот одбор на оваа организација на македонските иселеници со седиште во Вашингтон, испратено денеска до премиерот Никола Груевски во кое се бара основање на Mинистерство за дијаспора се наведуваат два примера на министерства за дијаспора на Словенија и Израел. Во склоп на словенската Влада, се посочува, има министер без портфолио задолжен за Словенците во странство и за словенечкото малцинство во соседните земји, како и словенечките емигранти во светот. Израел, од друга страна, пак, се вели во писмото, е можеби најуспешната приказна за тоа како да се инволвира дијаспората во корист на државата и како да се изгради мост помеѓу дијаспората и нејзината историска татковина. Владата на Израел традиционално ја има издигнато важноста на својата дијаспора на министерско ниво со функцијата Министер за информации и дијаспора, која служи како мост за комуникација помеѓу Израел и дијаспората.
- По примерот на други земји, ова т.н. „Министерство за прашања со дијаспората" би било задолжено за македонското малцинство во соседните земји и македонските иселеници ширум светот. Ова министерство би имало за цел да го заштити македонскиот идентитет, јазик и култура, како и да влијае позитивно врз надворешната политика во тие држави каде што живеат македонските иселеници во однос на Република Македонија.
- Дијаспората има нераскинлива врска со татковината и таа врска треба да се негува и искористи за добросостојбата на Македонија. Проценето е дека благодарение на Македонците од дијаспората 18-20 % од Бруто домашниот производ на државата доаѓа од инвестициите на македонските иселеници. "Имајќи ги во предвид придобивките од дијаспората, ОМД препорачува дека следниот чекор на Владата на Република Македонија кон македонската дијаспора би требало да биде издигнување на прашањето за дијаспората на кабинетско ниво, како би се изедначила важноста на дијаспората со други сектори, вели Николов во писмото.
|
Статијата е прочитана 391 пати.
|
|
|
Испрати коментар
|
|
| verag, 03.12.2012 12:38:56 | | Оваа влада нема пари да ги плаќа лекторите помакедонски јазик во странство, но за министертво ќе најде, сигурно има некој завршен студент да г вдоми како министер. |
| | Stojko, 03.12.2012 13:43:10 | | А после и Албанците ќе бараат своја дијаспора ... |
| | dorjan, 03.12.2012 13:50:01 | | Владата на Георгиевски формира Министерство за иселеништво, што потоа се трансформира во Агенција за иселеништво. Мешутоа, да бидеме рационални - не е битно како ќе се именува, туку како ќе функционира и со каков капацитетт ќе биде тимот. Неопходно еда се изврши обнова на Матицата на иселениците, во духот на проектот каков што го осмислија оние македонски патриоти од иселеништвото и националните авторитети од калибарот на Блаже Конески и Владо Малески кои пред 60 години ја основаа. Таа имаше слабости во стилот на работењето и кадровски промашувања, но доколку се реконституира врз нејзините основачки и темелни вредности, со авторитетни и образовани кадри, Матицата на иселениците би била вистински мост на татковината со иселеништвото, осмислувач на активности што ќе ги јакне и зацврстува врските на расселените со родната грутка на чисто национална, патриотска и хумана основа. Постојната Матица е неавторитетна приватна фирма од штетен карактер, а Агенцијата е промашен проект. |
| | mile, 03.12.2012 19:10:38 | | Turite mu pepel.........kolku sto airosavme od pratenicite od VMRO dijasporata, tolku i od ministerstvoto............. Ne rasfrlajte se deca so parite sto gi nemate........... |
|
|
|
|
|
„УТРИНСКИ ВЕСНИК“
ЕЛЕКТРОНСКО ИЗДАНИE
 |
|
|
|
|
Време
|
Скопје, 1°C
Облачно
|
Среда
Обилни врнежи
Макс: 7°C, Мин: -1°C
|
Четврток
Мешавина од дожд и снег
Макс: 2°C, Мин: -5°C
|
|
|
|
|
|
|
Фељтон
Јованка Броз – Титова Совладетелка (19)Јованка ја смисли политичката егзекуција на Ранковиќ.„Утрински весник“ специјално за своите читатели во целост ги објавува сите 50 продолженија на фељтонот „Јованка Броз-Титова совладетелка“ |
| (ФОТО) Телото како платно Германска уметница Гезине Марведел за создавање на своите уникатни уметнички дела не користи традиционално сликарско пла... |  |
|
