Грифин ги покори „џезерите“

Клиперси се првиот тим што го освои „Солт Лејк Сити“ сезонава, над Јута славеа со минимални 105:104

Со добрите игри пред својата публика Јута Џез долго гласеше за незгоден домаќин сезонава, крај на ваквата репутација стави тимот на Лос Анџелес Клиперс.

По шест победи во серија „џезерите“ го положија оружјето пред Клиперси, во „Солт Лејк Сити“ загубија со минимални 105:104.

Блејк Грифин ја заврши целата работа постигна 30 поени, 11 скока и една асистенција, одличен уште беше Џамал Крафорд со 20 поени.

„Џезерите“ имаа шанса за победа, на неколку секунди пред крајот некогашниот играч на гостинскиот тим Ренди Фоје промаши тројка вредна победа.

На кошаркарите на Портланд најверојатно им се допадна да играат на продолженија.

Во драматична завршница и по дополнителните пет минути Блејзерси дојдоа до триумф на гостувањето кај Шарлот (118:112).

Ламаркус Олдриџ беше најзаслужен за триумфот на Портланд, постигна 25 поени и 13 скока.

Орландо продолжува со победничката серија. По триумфот над Лејкерси, „магичните“ дојдоа до третата гостинска победа откако на гостувањето кај Голден Стејет славеа со 102:94.

Глен Дејвис овојпат беше првото име во таборот на Орландо, постигнувајќи 24 поени, шест скока, четири асистенции и две блокади. Значаен придонес во триумфот имаше Арон Афлал, кој исто така постигна 24 поени заедно со четири асистенции.


Лејкерси во небрано, Блејк мора на операција

Нов малер за Лејкерси, поради повреда на стомачните мускули Стив Блејк ќе мора да оди на операција. Доколку се' мине според очекувањата, неговото враќање се очекува најмалку за два месеци. Повредата на плејмејкерот доаѓа во време кога стратегот Мајк Дантони се' уште не може да смета ниту на Стив Неш.

„Многу сум загрижен. Со Стив отсекогаш сме играле одлично. Знае да го подигне тимот кога се решава победникот. Многу ќе ни недостасува. Се надевам дека ќе остане силен и ќе се врати што поскоро“, вели Коб Брајант.

Резултати: Шарлот - Портланд 112:118 (прод.), Детроит - Кливленд 89:79, Њу Орлеанс - Милвоки 102:81, Денвер - Торонто 113:110, Јута Џез - Лос Анџелес Клиперс 104:105, Голден Стејт - Орландо 94:102.