06.12.2012, 00:11 Јувентус го елиминираше европскиот првак
Залудна беше победата на Челзи над Нордсјеланд од 6:1, кога „Старата дама“ славеше во Доњецк против Шахтјор 1:0, и така ја обезбеди првата позиција во групата
Европскиот шампион Челзи е елиминиран уште во групната фаза од најелитното фудбалско натпреварување на Стариот континент. Залудна беше победата од 6:1 над Нордсјеланд, кога Јувентус славеше во Доњецк против Шахтјор со 1:0, и така ја обезбеди првата позиција во групата. Со ваквиот расплет, Челзи стана првиот актуелен шампион кој испаднал уште во групната фаза.
Селтик успеа да слави со 2:1 против Спартак Москва, победничкиот гол го постигна Комонс од пенал на осум минути пред крајот, со што шкотскиот тим ги продолжува натпреварите во ЛШ. А Барселона одигра во нивна корист, не загуби од Бенфика, односно натпреварот заврши 0:0.
Брага и Галасарај одиграа 1:2. Брага поведе во првото полувреме со голот на Мосоро, а турскиот тим откакдо дозна дека Клуж води и може да испадне, во вториот дел двапати ја погоди мрежата на домашните, за целосен пресврт и победа од 1:2 и пласман во осминафиналето.
Резултати од 6. коло
Група Е: Шахтјор – Јувентус 0-1, Челси – Нордсјеланд 6-1. Табела: Јувентус 12, Шахтјор 10, Челси 10, Нордсјеланд 1.
Група Ф: Баерн Минхен – Бате Борисов 4-1, Лил – Валенсија 0-1. Табела: Баерн Минхен 13, Валенсија 13, Бате 6, Лил 3.
Група Г: Барселона – Бенфика 0-0, Селтик – Спартак М. 2-1. Табела: Барселона 13, Селтик 10, Бенфика 8, Спартак 3.
Група Х: Манчестер ј. – Клуж 0-1, Брага – Галатасарај 1-2. Табела: Манчестер ј. 12, Галатасарај 10, Клуж 10, Брага 3.
|
