08.12.2012, 12:25 Отворање на 13. Меѓународно биенале „Фотомедиа 2012“
Во годинашната селекција во „Мала Станица“ ќе бидат претставени 121 автор од 30 земји со вкупно 192 фотографии
Во Мултимедијалниот центар „Мала Станица" вечер ќе биде отворено 13. издание на меѓународното биенале на фотографска уметност – Фотомедиа 2012.
Во овогодишната селекција ќе бидат претставени 121 автор од 30 земји со вкупно 192 фотографии. Покрај класичната поставка, по повод одбележувањето 50 години од основањето на фотоклубот ЕЛЕМА ќе биде презентирана и ретроспектива на најдобрите фотографии од претходните изданија, како и осврт кон патувачката изложба во чест на педесетгодишнината на фото клубот насловена "Елема Монохроматик".
Според рангирањата на Светската фотографската асосијација – ФИАП, последните неколку изаданија на каталогот на изложбата „Фотомедиа“ постојано се вбројуваат меѓу петнаесетината најдобро оценети во светот.
|
