12.12.2012, 15:41 ЕК: Заклучоците нудат јасна перспектива за Македонија
Според Петер Стано, гласноговорник на еврокомесарот Филе, заклучоците за денешниот Самит на Европскиот совет создаваат услови моментумот на проширувањето да продолжи и идната година, дури и да биде засилен, оти, според него, постои јасна перспектива и распоред за случувања, не само за Македонија, туку и за Србија и останатите партнери од процесот на пристапување.
- Како што потенцираше и комесарот Филе, заклучокот за поранешната југословенска Република Македонија нуди јасна перспектива, јасен и сигнификантнен пробив во односите на вашата земја со ЕУ, како и јасен распоред за задачите што ќе треба да ги заврши ЕУ од една страна и поранешната југословенска Република Македонија од друга. Кога сето ова ќе биде готово, се надевам дека ќе можеме наскоро да ги отвориме пристапните преговори“, додаде Стано.
|
