Одложено судењето за „Пајажина“

Поради неприсуство на двајца обвинети и на уште тројца адвокати Судски совет на скопска Апелација ја одложи јавната седница за случајот „Пајажина“. На денешното судско рочиште од затворот „Идризово“ беше спроведен сопственикот на сега укинатата телевизија А1, Велија Рамковски, како и неколкумина од обвинетите, но со оглед на тоа што немаше услови за нормален тек на процесот, судот донесе решение новиот старт да го презакаже за 17 следниот месец.

На 14 март годинава, за сторени повеќе кривични дела, скопскиот Кривичен суд го осуди Рамковски на единствена казна затвор во траење од 13 години. На по шест години беа осудени неговиот брат Амди и ќерката Емел Рамковска, а на истоветна казна беа осудени уште шестмина управители и вработени во фирмите на Велија Рамковски. (Љ. С.)