ГАК усвои четири од пет параграфи од заклучокот за Македонија



Датум за почеток на преговорите за членство во Европската унија во јуни 2013 година, или уште едно класично вето од страна на Грција

Датум за почеток на преговорите за членство во Европската унија во јуни 2013 година или уште едно класично вето од страна на Грција, со можен заклучок како на Самитот на НАТО во Букурешт во 2008 година што би ја закотвило нашата земја пред вратите на Унијата. Овие две крајности како заклучок се во игра во финишот на разговорите на министрите за надворешни работи и европски прашања на денешниот Совет за општи работи (ГАК) во Брисел.

Како што јавува дописникот на МИА од европската престолнина, четири од петте параграфи во врска со заклучокот поврзани со Реп��блика Македонија веќе се јасни, но клучнито што се однесува до одредување на датум за почеток на пристапните преговара се уште се дискутира и секој интерпункциски знак во него е тема на жестока дебата на ГАК.

Според псоледната верзија на овој параграф, се потенцира дека со оглед на евентуалната одлука да се отворат преговорите за членство со нашата земја во јуни 2013 година, „што би било предмет на одобрување од страна на Европскиот совет, а Советот ќе го испита напредокот во спроведувањето на реформите во контекст на Пристапниот дијалог на високо ниво и на добрососедските односи, а врз основа на извештајот што ќе биде презентиран од страна на Европската комисија во првата половина на 2013 година“, се наведува во оваа драфт-верзија.

- Комисијата се поканува да поднесе навремен предлог за рамка за преговори со Поранешната Југословенска Република Македонија во согласност со заклучоците на Европскиот совет од декември 2006 година и воспоставената практика, што исто така ги зема предвид добрососедските односи. Водејќи сметка за нов пристап кон преговорите што се однесува на поглавјата за судството и основните права и правда, слобода и безбедност, Комисијата исто така е поканета да спроведе процес на аналитички преглед на законодавството на ЕУ за овие поглавја - се вели во овој заклучок за кој министрите не можат да се договорат, оти Грција инсистира да нема никаков датум, односно почеток на т.н. скрининг процес на поглавјата 23 и 24.

Единствено што не е спорно и за што веќе постои консензус е заклучокот дека „Советот го поздравува напредокот постигнат во голем број клучни политички области, вклучително и во однос на законската рамка за избори, во областа на слободата на изразување и јавната администрација. Советот го нотира прегледот на спроведувањето на Охридскиот рамковен договор и ја охрабрува Владата на поранешната југословенска Република Македонија да се движи брзо во следната фаза на разгледување“.

Притоа, во друг параграф се наведува дека Европскиот Совет го забележува особениот придонес на Пристапниот дијалог на високо ниво (ХЛАД), што се наведува дека дејствува како катализатор за реформи.

- Истакнувајќи дека континуираните напори се потребни, Советот повикува реформите да продолжат со континуирано фокусирање на владеењето на правото, вклучувајќи ја слободата на изразување, борбата против корупцијата, меѓуетничките односи и помирувањето. Советот потсетува дека спроведувањето на Охридскиот рамковен договор останува суштински елемент на демократијата и владеењето на правото, се вели во овој заклучок.

Како што сега стојат работите, за максимум два часа би требало да заврши состанокот на Советот за општи рбаоти и кипарската министерка за надворешни рбаоти Ерато Козаку-Маркулис, заедно со комесарот Филе да излезат на специјална прес-конференција на која ќе ги објават заклучоците за Европскито совет.