(ФОТО) Вардар есенски шампион



Со голот на Борче Маневски во 87. минута, црвено-црните денеска ја победија Дрита со минимални 1:0 во заостанатиот меч од 17. коло во Првата лига

ФОТО: Петр Стојановски

Со голот на Борче Маневски во 87. минута, фудбалерите на Вардар денеска ја победија Дрита со минимални 1:0 во заостанатиот меч од 17. коло во Првата лига и ќе презимат како лидери на табелата.

Натпреварот се одигра во Тетово поради тоа што теренот во Боговиње не ги исполнуваше критериумите за игра, па така Дрита бараше резервна варијанта и се одлучи да биде домаќин во градот под Шара. Актуелниот првак со многу тешкотии стигна до победата со која „црвено-црните“ направија предност од три бода во однос на Хоризонт и со сигурност ќе останат лидери до пролетните фудбалски возбудувања, иако викендов се игра последното есенско коло во кое Вардар е домаќин на Силекс.

Шампионот денеска трите бода ги завери со гол во самиот финиш, иако во текот на целиот меч ја имаше иницијативата и шансите. Дрита играше на бод, но не успеа да се спаси. Маневски погоди во вистинско време, а во 64. минута Јован Костовски не погоди од идеална шанса за гол. (М.К.)

ТАБЕЛА

1. Вардар 17 10 5 2 31:9 35
2. Хоризонт 17 8 8 1 21:12 32
3. Напредок 17 9 3 5 21:16 30
4. Металург 17 9 3 5 20:14 30
5. Шкендија 17 8 5 4 30:21 29
6. Брегалница 17 8 2 7 19:14 24
7. Дрита 17 6 5 7 18:23 23
8. Ренова 17 6 2 9 16:26 20
9. Работнички 17 5 3 9 21:28 18
10. Пелистер 17 5 3 9 15:21 18
11. Силекс 17 4 3 10 14:24 15
12. Тетекс 17 2 3 12 9:27 9

Идно коло (9 декември, 13 ч.): Напредок - Металург, Работнички - Брегалница, Ренова - Пелистер, Тетекс - Шкендија, Турново - Дрита, Вардар - Силкес.