03.12.2012, 11:56 „Магичните“ мотивирани против Хауард и Лејкерси
Орландо убедливо ги совладата „езерџиите“ со 114:106. Њујорк Никс дојдоа до седмата победа во серија на домашен терен совладаувајќи го Феникс со 106:99
Кошаркарите на Орландо со дополнителен мотив отпатуваа кај Лос Анџелес Лејкерс, со својата најубедлива победа сезонава (114:103) покажаа дека се уште се лути на својата поранешна ѕвезда Двајт Хауард кој летоска одлучи да премине во редовите на „езерџиите“.
„Немаше никакви емоции, мислам дека не се трудевме доволно како тим. Екипата немаше доволно енергија, а Орландо максимално го искористи тоа и победи“, изјави по мечот Хауард, кој по завршување на дуелот не се поздрави со ниту еден кошаркар од Орландо, веднаш се упати кон соблекувалната. Некогашниот играч на „магичните“ средбата ја заврши со 21 поени и 15 скока.
Традиционално Лејкерси ги предводеше Коби Брајант, неговите 34 поени не беа доволни за триумф во „Стејпл центарот“.
Феноменалниот Арон Афлал со 30 поени го предводеше Орландо до шестата победа сезонава, а добра игра прикажа Глен Дејвис со 23 поени и 12 скока.
„Ова е Двајт, доколку сака да го напушти теренот без разкување - во ред. Не му замеруваме, изгуби и сигурно се чуствува многу лошо. Ние не размислувавме за него, само сакавме да победиме. Немам разговарано со него, тука сме поради кошарката, а не поради некое пријателство“, врака Гелн Дејвис.
Њујорк Никс и понатаму останаа непоразени на домашен терен, скорот во „Медисон Сквер Гарден“ сега е 7-0. Во „Големото Јаболко“ овојпат падна Феникс, беше поразен со 106:99.
Никси постојано ја имаа предноста, уште во воведните неколку минути имаа предност од 21:4. И покрај тоа што гостите до крајот на првата четвртина дојдоа на минус четири 24:20, сепак во продолжение тимот на Њујорк благодарение на Кармело Ентони и неговите 34 поени лесно дојде до нов триумф. Рејмонд Фелтон беше втор стрелец со 23 поени и седум асистенции.
Рашид Волис и понатаму во НБА лигата го држи рекордот по бројот на исклучувањата во последните 20 години, тој на овој меч ја заработи својата 31 исклучувачка грешка.
|
