Тетовец изнудил накит вреден 8000 евра

Тринаесетгодишно девојче од Боговиње заедно со својот татко вчера пријавиле во тетовската полиција дека 17-годишно момче од Тетово од октомври досега и вршел изнуда при што и одзел златен накит во вредност од околу осум илјади евра, информира портпаролот на СВР Тетово, Марјан Јосифовски.

Според пријавата, со момчето се запознала во октомври во некое тетовско кафуле. Момчето вршело изнуда на тој начин што прво барало таа да му биде девојка, а потоа на најразлични начини вклучувајќи и закани ја принудил да му носи златен накит од дома, ќустеци, алки и слично, во вредност од околу 8.000 евра, рече Јосифовски.

Во полиција било повикано посоченото момче кое во придружба на родител рекло дека девојчето за да ја зацврсти нивната меѓусебна љубов самото без никакви закани од негова страна му носело од златниот накит. По извршениот разговор момечето е пуштено дома и се работи на целосно расветлување на овој случај.