Каргов: Нема спогодба за налепници ФИРОМ

Директорот на Царинската управа вели дека не знае за спогодба според која на увезените македонски производи во Грција треба да се прелепува уставното име

Директорот на Царинската управа Ванчо Каргов вели дека не е запозан оти постои спогодба согласно која ако на увезените македонски производи во Грција стои уставното име на Република Македонија, тогаш увозникот ќе мора да стави налепница ПЈРМ, како што тврдат грчките власти.

- Не сум запознаен дека постои таква спогодба согласно која тие може да ставаат ФИРОМ, изјави денеска директорот на Царинската управа Ванчо Каргов, о��говарајќи дали постои билатерален меморандум, како што се тврди од грчка страна, согласно кој на македoнските производи може да ставаат налепници на кои стои ПЈРМ.

Министерството за надворешни работи на Грција објави одговор на заменик-министерот Константинос Циарас на прашањето на неофашистичката Златна зора „за употребата на името Македонија и неговите деривати од поранешната југословенска Република Македонија на дипломатско и комерцијални ниво“.

Во одговорот се вели дека МНР постојано следи се што е во врска со прашањето за името. Исто така, се укажува и дека според билатералниот меморандум за практични мерки ако на увезените производи во Грција од Македонија стои уставното име на нашата земја, „тогаш увозникот мора да стави налепница со привременото име на Скопје“. „Неприфатливото име“ на производите треба да се покрие пред царинење при влез во Грција и одговорноста за почитување на овие прописи ја има Министерството за развој и конкурентност.