Приходот на „Фејсбук“ се зголеми за 1,26 милијарди долари

Растот на приходите од 32 отсто во третиот квартал се должи на зголемениот број  реклами и добивките од користењето на мрежата преку мобилен телефон

Приходите на „Фејсбук“ се зголемија за речиси една третина во изминатите три месеци, достигнувајќи 1,26 милијарди долари, покажуваат најновите резултати.

Зголемувањето на приходите од 32 отсто во текот на третиот квартал се случи благодарејќи на зголемениот број на реклами и добивки од користењето на оваа социјална мрежа преку мобилен телефон.

Акциите на компанијата се зголемиле за 13 отсто, на 21,97 долари, за време на тргувањето на светските берзи во текот на вчерашниот ден.

„Фејсбук“ успеа да го зголеми приходот од реклами на 36 отсто, што изнесува 1,09 милијарди долари повеќе во однос на минатата година.

Приходите по пат на мобилни телефони, односно од прикажувањето реклами на овие апарати, чинат 14 проценти од вкупното огласување, што според мислењето на аналитичарите е над очекувањата.

- Користењето на „Фејсбук“ преку мобилните апарати е во пораст и мораме да најдеме начин за поефикасна работа и поголем простор, изјави медиумскиот експерт Каролин Бакстер.

Оваа социјална мрежа неодамна го доби и милијардитиот корисник.